Պարզաբանում՝ «Սուր անկյուն» հաղորդաշարում հնչած ձևակերպումների վերաբերյալ

Անդրադառնալով 03.06.2018 թվականի «Սուր անկյուն» հաղորդաշարի ընթացքում ներկայացված ռեպորտաժում հնչած ձևակերպումներին, Ջրային տնտեսության պետական կոմիտեն հարկ է համարում երկու պարզաբանում ներկայացնել:

1. 03.06.2018 թվականի «Սուր անկյուն» հաղորդաշարի ընթացքում ներկայացված ռեպորտաժում անդրադարձ է կատարվել «Էջմիածին» ՋՕԸ-ում առկա աշխատավարձային պարտքի խնդրի: Ըստ այդմ նշվել է, որ պարտքը գոյացել է նախկինում նույն տարածքում գործող «Խոյ» ՋՕԸ-ում: Հարկ ենք համարում պարզաբանել, որ նշյալ պարտքը գոյացել է ոչ միայն «Խոյ» ՋՕԸ-ում, այլև՝ այդ տարածաշրջանում նախկինում գործող 4 ՋՕԸ-երում: Ընդ ուրում՝ 01.01.2017 թվականի դրությամբ «Խոյ» ՋՕԸ-ում եղել է 12.475 մլն դրամի աշխատավարձային պարտք, իսկ «Վաղարշապատ» ՋՕԸ-ում՝ 23.105 մլն աշխատավարձային պարտք: Ընդ որում, այդ պահի դրությամբ «Վաղարշապատ» ՋՕԸ-ին արդեն իսկ միացված են եղել «Մուսալեռ» և «Ակնալիճ» ՋՕԸ-երը՝ 4.800 մլն և 2.083 մլն աշխատավարձային պարտքերով:

01.01.2017 թվականին «Խոյ», «Վաղարշապատ» և ևս 4 ՋՕԸ-եր միավորվել են՝ ստեղծելով «Արմավիր» ՋՕԸ-ն, որում էլ ամբողջացել են բոլոր աշխատավարձային պարտքերը:

2. Նյութում հրապարակված տեղեկությունն այն մասին, թե «Խոյ» ՋՕԸ-ի տնօրենի գործունեությունը գտնվել է իրավապահների ուշադրության կենտրոնում, իրականությանը չի համապատասխանում: 2016 թվականին ՋՕԸ-ի ֆինանսական գործունեության ստուգում է իրականացրել ՀՀ ֆինանսների նախարարության աշխատակազմի ֆինանսաբյուջետային վերահսկողական տեսչությունը: