ՀՀ ԷԵԲՊՆ ՋՐԱՅԻՆ ՏՆՏԵՍՈՒԹՅԱՆ ՊԵՏԱԿԱՆ ԿՈՄԻՏԵ

Ջրամբարաշինություն Հետևեք ձեր դիմումի
ընթացքին
Պաշտոնական էլ. փոստ
39065493@e-citizen.am
(միայն www.e-citizen.am
համակարգով ծանուցումների համար)

Հարցումներ

Ինչպե՞ս եք գնահատում ջրամատակարարման որակը Հայաստանում:

 

Տառատեսակներ

Հայաստանի Հանրապետության Կառավարության որոշմամբ հաստատված «Գրապալատ» և «Մարիամ» համակարգչային տառատեսակները:

Հաճախակի տրվող հարցեր

Ու՞ր կարելի է դիմել ջրամատակարարման կամ ջրահեռացման ծառայություններից բողոք-առաջարկության դեպքում

Առաջին հերթին պետք է դիմել Հայջրմուղկոյուղի ՓԲԸ-ի 1-71 հեռախոսային կենտրոն` ներկայացնելով խնդիրը, հայտնել բնակարանի հասցեն և հեռախոսահամարը:

Կարելի է նաև դիմել Հայջրմուղկոյուղի ՓԲԸ-ի հաճախորդների մոտակա սպասարկման գրասենյակներ:

Ինչպես նաև գրավոր բողոք-առաջարկությունը կարելի է ներկայացնել Հետադարձ կապ բաժնի միջոցով:

Ի՞նչ կարգով է տեղեկացվում հանրությունը Հայջրմուղկոյուղի ՓԲԸ-ի կողմից սպասարկվող տարածքում ջրամատակարարման դադարեցման մասին

Ջրամատակարարման դադարները հետևանք են պլանային շինարարական և վթարականխարգելիչ աշխատանքների: Բոլոր դեպքերում  Հայջրմուղկոյուղի ՓԲԸ-ն այդ մասին ընդունված կարգով ծանուցում է զանգվածային լրատվամիջոցներին և համապատասխան պետական կառավարման ու տեղական ինքնակառավարման մարմիններին: Ջրամատակարարման դադարեցման մասին կարելի է տեղեկանալ` այցելելով կայքի Գլխավոր էջի Մամուլի հաղորդագրություններ բաժին, Նորություններ խորագրի Հայտարարություններ բաժին, ինչպես նաև զանգահարելով Հայջրմուղկոյուղի ՓԲԸ-ի 1-71 հեռախոսային կենտրոն: Այժմ կարելի վերոգրյալի մասին տեղեկանալ նաև սոցիալական կայքերից նույնպես:

Ինչպե՞ս վարվել, եթե ծորակից հոսող ջրի որակը կասկածի տեղիք է տալիս

Այդ մասին հարկ է անմիջապես տեղեկացնել Հայջրմուղկոյուղի ՓԲԸ-ի 1-71 հեռախոսային կենտրոնին` ներկայացնելով խնդիրը, հայտնել բնակարանի հասցեն և հեռախոսահամարը: Ձեզ կայցելեն Ընկերության Կենտրոնական լաբորատորիայի աշխատակիցները, որոնք տեղում կկատարեն ջրի նմուշառում, կստուգեն նրա որակը և համապատասխանությունը ներկայացվող սանիտարական նորմերին ու կանոններին:

Ի՞նչ է անհրաժեշտ անել, եթե գնել եք բնակարան կամ առանձնատուն և որպես Հայջրմուղկոյուղի ՓԲԸ-ի բաժանորդ ցանկանում եք կատարել անվանափոխություն

Նախ, ցանկալի է բնակարանը գնելիս վաճառողից պահանջել հստակեցնել ֆինանսական հարաբերություններն ընկերության հետ, գնել առանց պարտքի` հետագա բարդություններից խուսափելու համար: Այնուհետև, պետք է բնակարանի/առանձնատան սեփականատերը (կարող է նաև ներկայանալ համասեփականատերը կամ լիազորված անձը` ներկայացնելով նոտարի կողմից վավերացված լիազորագիր) Հայջրմուղկոյուղի ՓԲԸ-ի սպասարկման գրասենյակ (վերևում նշված են բոլոր գրասենյակների հասցեները) ներկայացնել դիմում անվանափոխություն կատարելու վերաբերյալ` կցելով անձնագրի պատճեն, բնակարանի սեփականության վկայագիր:

Եթե ջրածախսը կասկածի տեղիք է տալիս, ու՞ր պետք է դիմել վերջինիս ճշգրտությունը ստուգելու, իսկ անհրաժեշտության դեպքում նաև ջրաչափը վերանորոգելու կամ փոխելու համար

Նման դեպքում հարկ է դիմել Ընկերությանը ջրաչափի ապակնքման համար, որից հետո միայն կարելի է ապամոնտաժել ջրաչափը և դիմել Ընկերության Ջրաչափերի ստուգաչափման լաբորատորիա (Երևան, Շիրակի 94, Աէրացիա կայանի տարածքում): Այս բոլոր աշխատանքները հաճախորդն իրականացնում է իր միջոցներով:

Որքա՞ն է կազմում ջրամատակարարման ներկայիս սակագինը

Բնակիչ-բաժանորդների համար խմելու ջրի մատակարարման, ջրահեռացման և կեղտաջրերի մաքրման մանրածախ ծառայությունների մատուցման սակագինը կազմում է 170.256 դրամ/խմ (ներառյալ ԱԱՀ): 

Ուր դիմել մատուցվող ծառայություններից բողոք-առաջարկության դեպքում

Առաջին հերթին պետք է դիմել Երևան Ջուր ՓԲԸ 1-85 հեռախոսային կենտրոն` ներկայացնելով խնդիրը, հայտնել բնակարանի հասցեն և հեռախոսահամարը: Կարելի է նաև դիմել Երևան Ջուր ՓԲԸ Հաճախորդների սպասարկման գրասենյակներ կամ բողոք-առաջարկությունը ներկայացնել կայքէջի Հետադարձ կապ բաժնի միջոցով:

Ուր դիմել, եթե սպառած ջրի դիմաց հաշիվներում կան անճշտություններ

Հարկ է դիմել Երևան Ջուր ՓԲԸ Հաճախորդների սպասարկման գրասենյակ կամ էլ զանգահարել 1-85 հեռախոսային կենտրոն: Իսկ գրավոր՝ խնդիրը կարելի է ներկայացնել կայքի Հետադարձկապ բաժնի միջոցով:


 

Վերադառնալ սկիզբ