Հանդիպում Ճապոնիայի Միջազգային Համագործակցության Գործակալության (JICA) պատվիրակության հետ
17.05.2022
Այսօր՝ մայիսի 18-ին, ՀՀ ՏԿԵՆ ջրային կոմիտեի նախագահ Վահագն Գևորգյանը հանդիպել է Ճապոնիայի միջազգային համագործակցության գործակալության (JICA) Վրաստանի գրասենյակի նորանշանակ մշտական ներկայացուցիչ Մորի Հիրոյուկիի, JICA֊ի Վրաստանի գրասենյակում Հայաստանի պատասխանատու Կոնստանտին Ծերեթելիի և JICA֊ի հայաստանյան խորհրդատու Ռուզան Խոջիկյանի հետ։ Ողջունելով հյուրերին՝ ՀՀ ՏԿԵՆ ջրային կոմիտեի նախագահ Վահագն Գևորգյանն անդրադարձել է «Եղվարդի ոռոգման համակարգի բարելավման ծրագրի/ Եղվարդի ջրամբարի» ծրագրին՝ կարևորելով Ջրային կոմիտեի և Ճապոնիայի միջազգային համագործակցության գործակալության (JICA) միջև առկա ակտիվ և շարունակական համագործակցությունը ջրամբարաշինության բնագավառում` շնորհակալություն հայտնել մինչ այժմ ցուցաբերված աջակցության համար:
Ճապոնիայի միջազգային համագործակցության գործակալության (JICA) Վրաստանի գրասենյակի նորանշանակ մշտական ներկայացուցիչ Մորի Հիրոյուկին վերահաստատել է ճապոնական կողմի պատրաստակամությունը հետագայում իրականացվելիք ծրագրերի շարունակականության հարցում։
Ձեռք է բերվել նաև պայմանավորվածություն հետագայում սերտ համագործակցելու ակնկալիքով։
Հանդիպմանը մասնակցում էին նաև Կոմիտեի նախագահի տեղակալ Կարեն Դաղբաշյանը, Կոմիտեի արտաքին կապերի բաժնի պետ Տիգրանուհի Բաղդասարյանը:
« վերադառնալ ցանկ