ՀՀ ՏԿԵՆ ՋՐԱՅԻՆ ԿՈՄԻՏԵ

Ազդարարման
պատասխանատու
Հետևեք ձեր դիմումի
ընթացքին
Պաշտոնական էլ. փոստ
39065493@e-citizen.am
(միայն www.e-citizen.am
համակարգով ծանուցումների համար)

Հարցումներ

Ինչպե՞ս եք գնահատում ջրամատակարարման որակը Հայաստանում:

 

Տառատեսակներ

Հայաստանի Հանրապետության Կառավարության որոշմամբ հաստատված «Գրապալատ» և «Մարիամ» համակարգչային տառատեսակները:

Նորություններ

Շրջայց «Էջմիածին» ՋՕԸ-ի տեղամասերում

14.04.2022 Շրջայց «Էջմիածին» ՋՕԸ-ի տեղամասերում Ջրային կոմիտեի նախագահ Վահագն Գևորգյանն աշխատանքային այցով այս անգամ եղել է Արմավիրի մարզում:

Այցի շրջանակում Կոմիտեի նախագահն անցկացրել է խորհրդակցություն «Էջմիածին» ՋՕ ընկերությունում։

Տեղում քննարկվել են ոռոգման ջրի պատշաճ մատակարարման, արդար բաշխման, նորմատիվների, ինչպես նաև վարձավճարների գանձման խնդիրներն ու համակարգում իրականացվող աշխատանքները։

Վահագն Գևորգյանն ուշադրություն է հրավիրել ոռոգման ջրի վարձավճարների հավաքագրման խնդրին և այդ նպատակով ՋՕԸ ղեկավարին հանձնարարվել է ուշադիր լինել տեղամասերում աշխատող ջրբաշխների մատյանների նկատմամբ։

Այս անգամ ևս անդրադարձ է կատարվել գարնանային վարարումներին նախապատրաստվելու ու հնարավոր հեղեղումների վնասները նվազագույնի հասցնելու անհրաժեշտությամբ պայմանավորված միջոցառումների ձեռնարկմանը։

«Էջմիածին» ՋՕԸ-ի տնօրեն Բագրատ Հովհաննիսյանի և ՋՕԸ-ի անձնակազմի հետ միասին այցելել և ուսումնասիրել են Վաղարշապատ համայնքում գարնան նախապատրաստական աշխատանքների շրջանակներում իրականացվող ներտնտեսային ցանցերի վերանորոգման աշխատանքները։

Այցի հաջորդ կանգառը Մեծամորի պոմպակայանն էր, որն իր ներուժից նվազ հզորությամբ է աշխատում Սևջուր գետի ցամաքելու պատճառով:

Կոմիտեի նախագահն առաջիկա ամսվա ընթացքում աշխատանքային օրերը հիմնականում կտրամադրի մարզային այցերին՝ առկա խնդիրները տեղերում լիարժեք գույքագրելու, իրականացվող ծրագրերին ծանոթանալու և անելիքները հստակեցնելու նպատակով:



« վերադառնալ ցանկ
 

Վերադառնալ սկիզբ