ՀՀ ՏԿԵՆ ՋՐԱՅԻՆ ԿՈՄԻՏԵ

Ազդարարման
պատասխանատու
Հետևեք ձեր դիմումի
ընթացքին
Պաշտոնական էլ. փոստ
39065493@e-citizen.am
(միայն www.e-citizen.am
համակարգով ծանուցումների համար)

Հարցումներ

Ինչպե՞ս եք գնահատում ջրամատակարարման որակը Հայաստանում:

 

Տառատեսակներ

Հայաստանի Հանրապետության Կառավարության որոշմամբ հաստատված «Գրապալատ» և «Մարիամ» համակարգչային տառատեսակները:

Նորություններ

Ջրային կոմիտեի և Ի.Վ.Եղիազարովի անվան ջրային հիմնահարցերի և հիդրոտեխնիկայի ինստիտուտի միջև ստորագրվել է փոխըմբռնման հուշագիր

29.11.2019 Ջրային կոմիտեի և Ի.Վ.Եղիազարովի անվան ջրային հիմնահարցերի և հիդրոտեխնիկայի ինստիտուտի միջև ստորագրվել է փոխըմբռնման հուշագիր
Այսօր՝ նոյեմբերի 29-ին, Ջրային կոմիտեի և Ակադեմիկոս Ի.Վ.Եղիազարովի անվան ջրային հիմնահարցերի և հիդրոտեխնիկայի ինստիտուտի միջև ստորագրվել է Փոխըմբռնման հուշագիր, որի նպատակն է ապահովել Ջրային կոմիտեի և ինստիտուտի միջև արդյունավետ փոխգործակցությունը:

Հուշագիրը Կոմիտեի անունից ստորագրել է Ջրային կոմիտեի փոխնախագահ Հարություն Գուլյանը և «Ակադեմիկոս Ի.Վ.Եղիազարովի անվան ջրային հիմնահարցերի և հիդրոտեխնիկայի ինստիտուտ» ՓԲԸ-ի ներկայացուցիչ Պ. Բալջյանը:

Փոխնախագահ Հարություն Գուլյանը կարևորել է ինստիտուտի գիտական ներուժը, հույս հայտնելով, որ այս հուշագրի ստորագրումն արդյունավետ և համապարփակ համագործակցության մեկնարկ կհանդիսանա:

Փաստել է, որ Ինստիտուտը կարևոր անելիք ունի Ջրային համակարգերի կառավարման մասնագետների ուսուցման և վերապատրաստման հարցում։ Մասնավորապես, ջրային տնտեսությունում մեր ամենօրյա աշխատանքի ընթացքում բախվում ենք մասնագետների պակասին: Հատկապես մարզերում այս խնդիրն ավելի սուր է և այն լուծելու համար նույնպես կարևոր է մեր համագործակցությունը։

Ակադեմիկոս Ի.Վ.Եղիազարովի անվան ջրային հիմնահարցերի և հիդրոտեխնիկայի ինստիտուտի ներկայացուցիչ Պ. Բալջյանը ողջունելով ներկաներին իր հերթին գոհունակություն է հայտնել նման համագործակցության առիթով՝ նշելով, որ իրենց թիմը պատրաստակամ է իրենց փորձը և գիտելիքները փոխանցելու առումով։

Հուշագրով նախատեսվում է, որ կողմերը պայմանավորվում են մեկտեղել իրենց ջանքերը, միջոցներն ու փորձը՝ համագործակցելով հետևյալ ուղղություններով՝

Ջրային համակարգերի անվտանգության և արդյունավետ շահագործման ապահովման ուղղությամբ իրականացնել հիդրոհանգույցների զննում, խնդիրների բացահայտում, դրանց վերացմանն ուղղված լուծումների քննարկում, երկկողմանի հետաքրքրություն ներկայացնող ծրագրեր, այդ թվում՝ մասնագիտական գրականության, մեթոդական ուղեցույցների, պարբերականների և այլ նյութերի հրատարակում և փոխանակում, գիտաժողովների, սեմինարների, խորհրդակցությունների կազմակերպում, համապատասխան լաբորատորիաների, սարքավորումների, և այլ տեխնիկական միջոցների համատեղ օգտագործում, ինչպես նաև ջրային համակարգերի օգտագործման հետ կապված այլ հարցերում:

Իր հերթին Ինստիտուտը պլանավորում է իրականացնել հիդրոտեխնիկական կառուցվածքների մշակման և կատարելագործման աշխատանքներ, կատարել լաբորատոր փորձարկումներ, հիդրոհանգույցների (դրանց մասերի) հիդրավլիկական մոդելավորում:

 

 

 

« վերադառնալ ցանկ
 

Վերադառնալ սկիզբ