ՀՀ ՏԿԵՆ ՋՐԱՅԻՆ ԿՈՄԻՏԵ

Ազդարարման
պատասխանատու
Հետևեք ձեր դիմումի
ընթացքին
Պաշտոնական էլ. փոստ
39065493@e-citizen.am
(միայն www.e-citizen.am
համակարգով ծանուցումների համար)

Հարցումներ

Ինչպե՞ս եք գնահատում ջրամատակարարման որակը Հայաստանում:

 

Տառատեսակներ

Հայաստանի Հանրապետության Կառավարության որոշմամբ հաստատված «Գրապալատ» և «Մարիամ» համակարգչային տառատեսակները:

Նորություններ

Արբանյակների գործարկումը ջրային ոլորտում բեկումնային քայլ է. Արսեն Հարությունյան

02.12.2016 Արբանյակների գործարկումը ջրային ոլորտում բեկումնային քայլ է. Արսեն Հարությունյան

«Եվրոպական տիեզերական գործակալությունը տարիներ առաջ նախաձեռնեց մի հավակնոտ գաղափար՝ ստեղծել այնպիսի գործիք, որով հնարավոր կլինի աջակցել տնտեսությանը և մասնավորապես գյուղատնտեսության ոլորտին: Եվ քանի որ Ջրային տնտեսության պետական կոմիտեի գործառույթները մեծապես խաչվում են նաև գյուղատնտեսության ոլորտի հետ, կարծում ենք, որ Կոմիտեի հետ մեր համագործակցությունը բավականին արդյունավետ կլինի»: Այս մասին ԷԵԲՊՆ Ջրային տնտեսության պետական կոմիտեում տեղի ունեցած հանդիպման ժամանակ ասաց Եվրոպական տիեզերական գործակալության ներկայացուցիչ Անյա Ռադեսկայան:


Ըստ ԵՏԳ ներկայացուցչի, առաջիկա մեկ ամսվա ընթացքում կկատարվի ոլորտի կարիքների գրանցում, ինչպես նաև՝ կհավաքագրվեն անհրաժեշտ տեղեկությունները՝ համակարգի նախնական ծրագրավորման համար, ինչից հետո հնարավոր կլինի հստակ նշել ջրային հոսքերի հաշվառում կատարող և տարածաշրջանի վերաբերյալ անհրաժեշտ տեղեկությունների հավաքագրում և վերլուծություն իրականացնող տիեզերական արբանյակի գործարկման ժամկետները:


ՋՏՊԿ նախագահ Արսեն Հարությունյանը նշեց, որ տիեզերական արբանյակի գործարկումը ջրային ոլորտի խնդիրների դուրսբերման և լուծման գործում կարելի է բեկումնային անվանել:


«Ուզում եմ շնորհակալություն հայտնել Եվրոպական տիեզերական գործակալությանը և Համաշխարհային բանկին նման մեծ նվերի համար: Վստահ եմ, որ այս արբանյակի գործարկումը դրական ազդեցություն կունենա մեր հիմնական ռեսուրսի՝ ջրի հոսքերը վերահսկելու և դրա ծախսն առավել արդյունավետ և չափելի դարձնելու գործում»,- ասաց Ա. Հարությունյանը:


Հիշեցնենք, որ արբանյակների գործարկման վերաբերյալ պայմանավորվածությունը ձեռք էր բերվել օրեր առաջ, Համաշխարհային բանկի պատվիրակության հետ հանդիպման ընթացքում: ՀԲ գյուղատնտեսության ավագ մասնագետ, ծրագրի իրականացման թիմի համաղեկավար Արուսյակ Ալավերդյանը տեղեկացրել էր, որ Եվրոպական տիեզերական գործակալությունը արբանյակների միջոցով կեսդարյա ժամանակային կտրվածքով, ինչպես նաև՝ ընթացիկ ժամանակում ջրային հոսքերին հետևելու լավ փորձ ունի: Այս ծառայությունից օգտվում են աշխարհի շատ երկրներ: Այս տարի, ՀԲ հայաստանյան ծրագրերի իրականացման թիմի ջանքերով, Հայաստանը ևս ընդգրկվել է այն երկրների շարքում, որոնք կարող են օգտվել Եվրոպական տիեզերական գործակալության արբանյակներից՝ անվճար հիմունքներով:

« վերադառնալ ցանկ
 

Վերադառնալ սկիզբ