ՀՀ ՏԿԵՆ ՋՐԱՅԻՆ ԿՈՄԻՏԵ

Ազդարարման
պատասխանատու
Հետևեք ձեր դիմումի
ընթացքին
Պաշտոնական էլ. փոստ
39065493@e-citizen.am
(միայն www.e-citizen.am
համակարգով ծանուցումների համար)

Հարցումներ

Ինչպե՞ս եք գնահատում ջրամատակարարման որակը Հայաստանում:

 

Տառատեսակներ

Հայաստանի Հանրապետության Կառավարության որոշմամբ հաստատված «Գրապալատ» և «Մարիամ» համակարգչային տառատեսակները:

Մամուլը մեր մասին

Մեկ միասնական օպերատոր ունենալու դեպքում 570 համայնքների բնակիչների համար ջուրն այլևս ճոխություն չի համարվի

15.06.2016 Մեկ միասնական օպերատոր ունենալու դեպքում 570 համայնքների բնակիչների համար ջուրն այլևս ճոխություն չի համարվի
Հայաստանի մարզերի և Երևանի ջրամատակարարմամբ ներկայումս զբաղվում են հինգ ընկերություններ, «Երևան Ջուր», «Հայջրմուղկոյուղի», «Շիրակ-ջրմուղկոյուղի», «Լոռի-ջրմուղկոյուղի» և «Նոր Ակունք» ՓԲԸ-ները:
 
 
Եվ յուրաքանչյուր օպերատոր առաջարկել է իր սակագինը: Ամենաթանկ ջրամատակարում իրականացնում է «Նոր-Ակունքը»՝ 203 դրամ, ամենացածրը՝ «Երևան Ջուրը»` 171 դրամ: Այս հինգ օպերատորների հետ պետությունը իրականացնում է կառավարման երկու մոդել։


Միայն «Երևան Ջուրն» է, որ աշխատում է վարձակալական հիմունքներով։ Այսինքն՝ ընկերությունը գումար է վճարում ու ծառայություններ մատուցում, իսկ մյուս 4-ի պարագայում պետությունն է գումար վճարում կառավարում իրականացնելու ու ծառայություններ մատուցելու համար: Այս պարագայում նման կառավարումն արդարացված չէ:


HayNews.am-ի հետ զրույցում Ջրային պետական կոմիտեի նախագահ Արամ Հարությունյանը նշում է, որ այս կառավարման մոդելի ոչ արդյունավետ կառավարումը հանգեցրեց նրան, որ 2017թ խմելու ջրի և ջրամատակարարման համակարգերը կունենան մեկ միասնական օպերատոր:


Արդեն մրցույթին մասնակցելու հայտ են ներկայացրել չորս հեղինակավոր կազմակերպություններ՝ ֆրանսիական «Վեոլիան» և «Սաուռոն», իտալական «Աչորան», ինչպես նաև գերմանական երեք և մեկ տեղական կազմակերպությունից բաղկացած կոնսորցիումը: Այս ընկերությունները անցել են արդեն նախաորակավորման փուլը:


Մատակարարող ընկերությունները պետք է միավորվեն մեկ միասնական օպերատորի շուրջ, որը 15 տարի ժամկետով վարձակալելու է Հայաստանի ջրամատակարարման համակարգերը: Մրցութային կարգով ընտրված կազմակերպությունն էլ պետք է այդ տարիների ընթացքում կատարի 37 մլրդ դրամի ներդրում։


Պաշտոնական վիճակագրության համաձայն` մեր երկրում շուրջ 570 բնակավայրեր ընդգրկված չեն կենտրոնական ջրամատակարարման սպասարկման տարածքներում: Ավելի պարզ` այս տարածքներում խմելու ջրագծեր չկան, մարդիկ կամ դույլով ջուր են կրում գյուղում գտնվող, ասենք, միակ աղբյուրից կամ տակառներով ջուր են գնում:


Մեկ միասնական օպերատոր ունենալու դեպքում ջրամատակարարման համակարգի մաս կկազմեն նաև այս 570 համայնքները ու ջուրը այս բնակիչների համար այլևս ճոխություն չի համարվի:
 
 
 
 
 
 
« վերադառնալ ցանկ
 

Վերադառնալ սկիզբ